محاولات تهريب اثار "رشيد" حصريا على مانوس

اولا الموضوع دة مش منقول من اى جريدة وهو حصرى لمانوس
ثانياكتيرمن الناس تعرف الاصلاحات اللى بتم فى رشيد دلوقتى واللى المفروض كانت تتعمل من حوالى 10 سنين فاتوا لكن بدات لما عرفوا نية الرئيس بزيارة رشيد

:::المهم:::
فى وسط الاحداث دى كلها سمعنا عن عمليات حفر بتحصل فى جبل ابو مندور(ودا يا جماعة _كان_ جبل فى رشيد بيقولوا فى تحتية مدينة اثرية ممتدة تحت رشيد كلها) الجبل دة ماصبحش جبل احنا زمان كنا بنروحة مكنش بالمنظر دة
للاسف حفروا فية لاستخراج اثارة (واللة اعلم مين الى حفر) بس مش جهة رسمية
ودى الصور ودى صور خاصة لمانوس :

شايفين يا جماعة المنطقة اللى فيها الطوب دى عمرها ما كانت باينة وكانت متغطية بالرمل ويمكن صحابى اللى موجودين فى المنتدى اللىمن رشيد هيعرفوا الكلام دة كويس

نكمل الصور

ودا جامع ابو مندور اللى كان محاوطة الجبل والنيل

واقولكم حاجة فى الاخر ممكن تكون اشاعة بس اللة اعلم : بيقولوا ان من يومين اتلقوا رجل مغربى مقتول فى الجبل
وفى ناس كتيرة اكدت انة ساحر او مشعوذ

وفى النهاية بقول اللة اعلم اية اللى بيحصل بالظبط بس بندعى ربنا انة يحفظلنا على اثار بلدنا وجدودنا
و سلام......

_________________

افضل موضوع عملته فى حياتى .. ياريت تقرأوه كله

merciiiii for this information
_________________
The brother may not be a friend ,,,,,,, But
the friend must be a brother

وهو فاضل ايه تانى يا مان ميتهربش الواحد بس
خايف على الهرمين اللى حيلتنا وربنا يستر وابو الهول نلاقيه فى ؟؟؟؟؟؟؟؟؟؟؟؟؟؟؟؟؟؟؟ انتم عارفين الباقى بقى

والله انا مش عارف اقلكو ايه انا ساكن فى نزلة السمان اللى هيه منطقة الاهرامات انت خايف على الجبل مخلاص الاثار اتباعت احب اوجه ان الاثار اللى حالتنا الوقتى نص اللى موجود بره وعلى فكره الموضوع ده متواجد لان بيبقى مسنود من الحومه لان استحاله حد من الكبار هيسيبه .
وللعلم كل يوم عندنا فى المنطقه كل يوم واحد يحفر فى بيته ويلاقى اللى يلاقيه ويهرب بره وسيب البيت وميرجعش تانى والحمد لله انا لسه مجربتش احفر بس لما اجرب هقلقو لقية ايه ؟؟؟؟؟؟؟؟
وربنا سيتر على المصايب اللى بتجلنا من بره
وشكرآ ليك على الموضوع الجميل
وان شاء الله خير

مشكور يا منوس على الموضوع وانتا كمان للاسف كلامك صح اكيد طبعا فى اثار كتير مسروقه من مصر كلها وخاصه من رشيد واكبر دليل حجر رشيد اللى طلع ما رجعش تانى ولا عمره هيرجع بس الحمد لله رشيد كانت مدفونه فى التراب بس بزياره الرئيس هترجع ليها كل حقوقها تانى والاصلاحات اللى بتتعمل دلوقتى خير دليل.

_________________

سيقل تواجدى معكم لظروف الامتحانات

مجهود كبير منك والأجمل أنك تحب المكان اللى عشت عمرك فيه
بس فى حاجة
أحتمالات أن عمليات التهريب تكون حقيقة أحتمالات ضعيفه

لأنك لو ركزت فى الصور هتلاقى الجدران اللى فى الصور مبنية بالطوب الأحمر
وده ماكانش موجود زمان طبعا
إلا أذا أنت تقصد بالأثار أنها أثار من عصر تانى غير العصر الفرعونىأخوك حسين
_________________

[img]

تسلم ايدك يااسلام وفعلا اثار كتير راحت من مصر وفعلا مدينه رشيد فيها اثار اسلامية مش فرعونية وربنا يحافظ على اللى باقى وان شاء الله خير

_________________